Mark Nikollë Pjetrushi një emër që rezonon me traditë, bujari dhe atdhedashuri.
Mark Nikollë Pjetrushi Lulgjuraj. Është një figurë që duket sikur ka dalë nga faqet e historisë, një personifikim i burrërisë dhe fisnikërisë së Malësisë, një njeri që vazhdon të frymëzojë me veprat e tij.
Rasti më solli ta ritakoj pas më shumë se një dekade, në krye të vendit, në sofrën e organizuar çdo vit me rastin e festës tradicionale të Zojës së Grudës. Aty, Marku, me çehren e tij të qeshur dhe fisnike, bashkon malsinë nga çdo anë, duke ftuar të gjithë të shijojnë çdo sekondë të qëndrimit në atë park të bukur malor. Ky park, i investuar nga vetë Marku, pasardhës i fisnikëve malsorë të vëllazërisë Lulgjuraj, është vetëm një nga shumë dëshmitë e dashurisë dhe përkushtimit të tij ndaj vendlindjes.
Por investimet e Markut nuk ndalen këtu. Ai ka kontribuar në mënyrë të konsiderueshme në përmirësimin e infrastrukturës, duke investuar në rrugët që lidhin malsinë përtej kufirit shtetëror, por jo kufirit të zemrës, traditës dhe dashurisë për tokën e bekuar shqiptare. Kjo tregon një vizion të qartë për të forcuar lidhjet mes shqiptarëve, pavarësisht kufijve gjeografikë.
Përveç infrastrukturës, Marku ka dhënë një kontribut të rëndësishëm në ruajtjen e trashëgimisë kulturore dhe fetare. Ai ka investuar në rikonstruksionin e xhamive, kishave dhe shkollave, duke siguruar që brezat e ardhshëm të kenë mundësi të rriten në një ambient të shëndetshëm dhe me akses në edukim dhe traditë.
Ndihma e tij shtrihet edhe tek individët dhe familjet në nevojë. Marku ka ndihmuar çdo familje apo individ që ka arritur t’a ndëgjojnë gjendjen e tij, duke treguar një zemër të madhe dhe një ndjenjë të thellë solidariteti me bashkëvendasit e tij. Kjo bujari e tij është një shembull i shkëlqyer për të gjithë ne.
Mark Nikollë Pjetrushi Lulgjuraj është një atdhetar i vërtetë, një humanist i palodhur dhe një aktivist i çështjes kombëtare tradicionale në Amerikë dhe Malësi. Ai qëndron aty, me buzëqeshje dhe dashuri për bashkëvendasit e tij, duke i parë ata të këndojnë e kërcenin të lumtur. Kjo skenë është një dëshmi e faktit se figura të mëdha si Marku ende qëndrojnë mes nesh, duke na frymëzuar dhe duke na dhënë shpresë për të ardhmen.
Mark Nikollë Pjetrushi Lulgjuraj është më shumë se thjesht një emër. Ai është një simbol i burrërisë, fisnikërisë, bujarisë dhe atdhedashurisë. Ai është një figurë stoike që vazhdon të ndriçojë Malësinë dhe të frymëzojë brezat e ardhshëm. Të ecësh për pak sekonda me një mit që jeton,, është një privilegj dhe një kujtesë e rëndësishme se vlerat e vërteta ende ekzistojnë dhe duhen vlerësuar. Faleminderit Mark Nikollë Pjetrushi Lulgjuraj për gjithçka që bëni!./Shkroi Artikullin Pal Qarraj./Portalishqiptaronline./KastratiNews.!
