Në një kohë kur gazetaria cilësore dhe objektive është më e rëndësishme se kurrë, Lindita Bushgjokaj po dëshmon se pasioni për të vërtetën dhe dashuria për vendlindjen mund të shkojnë përtej kufijve.
E formuar dhe rritur me vlerat e Nikaj-Mërturit, ajo sot jeton në Britaninë e Madhe, por zemra dhe mendja e saj mbeten gjithmonë të lidhura me trojet e të parëve.
• Një vajzë kurajoze, e palodhur dhe e përkushtuar ndaj gazetarisë, Lindita ka dhënë një kontribut të çmuar në informimin dhe promovimin e Nikaj-Mërturit.
Përmes shkrimeve të saj, ajo sjell në vëmendje historinë, traditat dhe kulturën e pasur të kësaj treve, duke u bërë një urë lidhëse mes vendlindjes dhe shqiptarëve kudo që ndodhen.
• Përveçse një gazetare e talentuar, Lindita ka qenë dhe mbetet një prezantuese dinjitoze e eventeve të Nikaj-Mërturit.
Ajo ka spikatur me profesionalizmin dhe elegancën e saj në çdo paraqitje publike, duke u bërë një zë i fuqishëm për komunitetin.
Përvoja e saj në televizion dhe puna aktuale si zëvendësredaktore e Gazetës Nikaj-Mërtur News e kanë bërë një figurë të besueshme dhe të respektuar në fushën e informimit.
• Lindita është më shumë se një gazetare – ajo është një promovuese e palodhur e vlerave shqiptare dhe një shembull i korrektesës dhe integritetit në punën e saj.
Është një kënaqësi dhe një privilegj të bashkëpunosh me një profesioniste të tillë, e cila me përkushtim dhe pasion vazhdon të mbajë gjallë shpirtin e Nikaj-Mërturit, kudo që ndodhet.
Suksese Lindita Bushgjokaj! Nikaj-Mërturi dhe të gjithë ata që të njohin janë krenarë për punën dhe përkushtimin tënd!./Besnik Palnikaj.
