Nga zemra e Hotit të kryemalve, me rrënjë të thella në traditat e Malësisë së Madhe e lindur dhe rritur në Shtetet e Bashkuara të Amerikës, vjen një zë i ri dhe premtues: Missy Gojçaj.
Ajo është një filiz i brishtë në moshë, por me forcën dhe dritën e një artisteje që di ku po shkon. Missy po ngjitet natyrshëm në skenë, duke sjellë jo vetëm talent, por edhe krenarinë e prejardhjes së saj, përmes Xhubletës veshjes tradicionale, kërcimit malsor dhe interpretimit plot energji.
“Kcim Malsorçe” është kënga më e re që Missy sjell për publikun, një projekt i ndërtuar me kujdes, dashuri dhe profesionalizëm nga një ekip i talentuar. I udhëhequr nga Tekstshkruesi, organizatori dhe gazetari Pal Qarraj Kënga është një festë e kulturës sonë, një shpërthim ngjyrash, tingujsh, hareje dhe traditash që jetojnë brez pas brezi.
Kcim Malsorçe
Këndon: Missy Gojçaj
Teksti & Regjia: Pal Qarraj
Muzika: Fran Kodra
Orkestrimi: Luan Dagistani
Video: Power Media
Figurantë: Grupi Tradita Kastrat
Modeli Tradicional i Flokëve dhe veshtarja Liza Qosaj.
Veshjet tradicionale: Butik Odeta & Flora Pepaj
Kjo këngë përfaqëson shpirtin e Malësisë, vallet, ritmin dhe gjithë bukurinë e jetës sonë tradicionale. Missy Gojçaj premton të jetë një emër i rëndësishëm në rrugën e muzikës turbo-folk, duke e ruajtur traditën, por edhe duke e sjellë atë në një stil modern që prek zemrat e publikut të ri.
Ju ftojmë të klikoni dhe të shijoni videoprojektin “Kcim Malsorçe”.
Mbështeteni këtë artiste të re që po ngre lart emrin e Malësisë dhe Hotit kudo në botë./Pal Qarraj portalishqiptar.online Kastratit News.
